19.11.2018 Грамадства

 

 

Усё ведаюць, што апоўдні на плошчы людзі “кормяць галубоў” і менавіта на гэты час выклікаюць і, калі выкліканыя самі просяць апытаць іх у любы іншы дзень і любы іншы час, па не зразумелых (але нам зразумелым) прычынах, атрымліваюць неабгрунтаваныя адмовы, і ім пагражаюць штрафамі!

 

А вось тое, навошта іх “запрасілі” сёння па позвах, выклікае смех у саміх актывістаў. Так, напрыклад, Ірына Сіліцкая, якая была выкліканая ў якасці “прыцягваемай” і, якой падчас ўручэння позвы было сказана, што выклікаюць за масавае мерапрыемства, даведалася ў апорным пункце, што ёй прыпісваюць парушэнне ПДР “не прапусціла спецтранспарт”, і тут жа наклалі за гэта штраф у две базавых.

 

Яшчэ Ірына адзначыла, што сёння міліцыянты вельмі перапрашаліся перад ёй, за тое, што выклікалі ў выходны дзень, ды і наогул, як яна кажа - было відаць, што ім сорамна і не зручна перад ёй.

 

Гэтак жа ў апорным пункце пабываў Канстанцін Астапук (ён жа ЛІС) . Канстанцін добра падрыхтаваўся, прыйшоў з адвакатам, які заявіў адвод чалавеку, які павінен быў разглядаць ягоную “справу”. Звернем увагу на тое, што Астапука, як высветлілася толькі сёння выклікалі ў якасці “сведкі”.

 

Як кажа сам Канстанцін - яму не зразумела, сведкам чаго ён можа быць. Сведкам, што ён быў ЛІСам? У выніку яго выклікаюць заўтра на панядзелак на 16.00 туды ж, а за папярэднюю панядзелку ноч, мабыць, будуць прыдумляць, тэму “сустрэчы”.

 

Гэтак жа адзначу тое, што, калі ў мінулую нядзелю Канстанціна “ўпакаваў” АМАП, і яго пратрымалі суткі ў ІЧУ, то, як апынулася, на яго не было складзена а ніякіх папер, у тым ліку і пратаколу.

 

У гэты ж дзень на “апытанні” пабываў і блогер Сяргей Пятрухін. Але з ім ужо і зусім цырк. Яго чамусьці апытвалі пра нейкі пажар, які быў даўно калісьці ў Берасці. Натуральна ён нічога пра гэта пажар ня ведае, што і патлумачыў.

 

А цяпер падсумуем - выклікаюць каго дзе зловяць. Для прыкладу,

 

Ірына ішла за дзецьмі, а за ёй беглі супрацоўнікі, каб уручыць бязглуздую позву.

 

Праваахоўныя органы АМАПам забіраюць цацку ЛІСа , аніматара, на вачах у здзіўленых дзяцей і пад крыкі “ганьба” іх бацькоў. А потым не ведаюць як задакументаваць свае “геройскія ўчынкі”.

 

Ці проста выклікаюць па надуманых прычынах, як Пятрухіна, толькі каб той не з'явіўся на плошчы.

 

Гэта сведчыць толькі аб адным - міліцыя сама ўжо не цяміць што робіць. Зразумела, што шараговым паступае каманда зверху, яны выконваюць яе, але кожны раз усё горш і горш ... яны разгубіліся ... здаецца, што яны баяцца народнага гневу ... асабліва пасля таго, як жанчыны не пускалі спецмашыну, Калі пабачылі, што людзі не баяцца крычаць у вочы міліцыі “ганьба”. Я б сказала, што апошнія дзеянні праваахоўнікаў нагадваюць агонію ... у якой яны б'юцца, баючыся, што і працу страцяць і саміх людзей якіх зневажаюць.

 

Ну а што берасцейцы? А берасцейцы сёння ізноў накармілі галубоў, пагутарылі на плошчы і кажуць, што будуць стаяць да апошняга. Гэтак жа па настроях бачна, што ніхто не збіраецца здавацца!