02.12.2017 Грамадства

 

 

Яго абвінавачваюць па частцы 3, арт. 426 КК за нанясенне цялесных пашкоджанняў жыхару вёскі Бярозна Анатолю Глыцюку. Міліціянт зламаў тутэйшаму нагу.

 

Удзень 18 сакавіка 2017 пацярпелы вяртаўся з пахавання жонкі роднага брата і літаральна за 50 метрау ад ягонай хаты яго спыніў маёр Сяргей Куляшоў і запрасіў праехаць з ім у райаддзел. З нагоды таго, што спадар Глыцюк нібыта знаходзіўся ў нецвярозым стане.

 

 

Што здарылася насамрэч сказаць вельмі цяжка, бо па версіі міліцыянта, калі ён пачаў апранаць кайданкі на Анатоля, сялянін па прычыне свайго стану ўпаў сам і зламаў сабе нагу. Маўляў, вучастковы клапаціўся аб тым, каб Анатоль не трапіў пад колы аўто.

 

Глыцюк у сваю чаргу кажа, што ён проста не хацеў садзіцца ў міліцэйскую машыну і той ударыу яго нагой пад калена і зламаў дзве косткі.

 

Па словах Анатоля Глыцюка, Сяргей Куляшоў прапаноўваў вырашыць пытанне за грошы. Пацярпелы пагадзіўся і сказаў урачам, што пашкодзіў нагу ў побыце, ва ўласнай хаце, але потым напісаў заяву на міліцыянта і была ўзбуджаная крымінальная справа. Сведкі ж даюць вельмі супярэчлівыя сведчанні і зразумець дакладна дзе праўда вельмі цяжка, але факт застаецца фактам. Нага Анатоля зламаная.

 

Суд паслухаўшы ўсіх сведак змяніў абвінавачанаму маёру, які са жніўня бягучага года пакутуе ў СІЗА, меру стрымання на падпіску аб нявыездзе, і міліцыянт будзе знаходзіцца пад хатнім арыштам.

 

Пастскрыптум. Людзі, якія пражываюць на адміністрацыўным вучастку Сяргея Куляшова, кажуць, што ён неаднаразова ўжываў фізічную сілу супраць жыхароў і на яго пісалі скаргі.

 

 

Начальства характарызуе Сяргея Куляшова выключна са станоўчага боку, як непрымірымага ворага правапарушэнняў.

 

Маёр Куліш ў цяперашні час з'яўляецца дзеючым супрацоўнікам міліцыі і на пасяджэння прысутнічае начальик Кобрынскага РАУС У. Сцепанюк і яго намеснік па ідэалагічнай працы В. Турчыновіч.