Друк
18.11.2019
Дацэнт БДТУ Валерый Шчарбач выгнаў блогера з выбарчага ўчастка
 
Старшыня ўчастковай выбарчай камісіі №1 па трэцяй выбарчай акрузе г. Брэста пазбавіў акрэдытацыі назіральніка Сяргея Пятрухіна і пагнаў яго з падліку галасоў.
 
Сяргей Пятрухін дзяжурыў на ўчастку з 8 раніцы да поўдня, а потым з'ехаў. І вярнуўся толькі да падліку галасоў. Калі вярнуўся даведаўся, што старшыня пазбавіў яго акрэдытацыі за тое, што блогер размясціў у Інтэрнэце відэа з выбарчым буфетам з таннай гарэлкай і ежай і адсутнасцю ў прыбіральні паперы.
 
 
Старшыня камісіі з раніцы папярэдзіў С. Пятрухіна аб недапушчальнасці вырабляць на выбарчым участку фота і відэа здымку, аднак спаслацца на норму права Валерый Шчарбач не мог, а прыплятаў метадычку Лідзіі Ярмошынай, якая носіць рэкамендацыйны характар, але ніяк не сілу закона, як гэта паспрабаваў прадставіць старшыня камісіі.
 
 
Сяргей Пятрухін:
Такія людзі, як старшыня камісіі выклікаюць у мяне жаль. Халуй - нікчэмная доля чалавека. Пражыў жыццё, што ён пакінуў пасля сябе? Як навуковец можа якую карысць краіне прынёс? Можа. Але ён ужо ў трох выбарах быў старшынёй камісій. Тут пытанне чаго ён больш прынёс карысці ці зла.
 
Я б не жадаў сабе такога выкладчыка, чаму ён можа навучыць? Быць крывадушнікам і халуём? Сорамна і страшна, што такія людзі маюць доступ да ўплыву на студэнцкія мазгі i душы.
 
 
 
 
 
 
© 2020 "Берасцейская вясна"