Друк
15.08.2018 Грамадства
Міліцыянт, які атрымаў 6 гадоў строгага рэжыму, абскардзіў прысуд
 
Алег Самарчук, былы міліцыянт, які атрымаў 6 гадоў строгага рэжыму за збіццё двух брэсцкіх хлопцаў Сашы Зехова і Сярожы Каляды, абскардзіў прысуд у пасяджэнні апеляцыйнага суду вышэйшай інстанцыі.
 
14 жніўня старшыня цудоўнай тройкі калегіі Ніна Шастак бадзёра пачала працу апеляцыйнага органа яшчэ да пачатку судовага паседжання: «Вы не мае права здымаць без майго дазволу». Гэта яна мне сказала. Я ўсміхнуўся ...
 
Асабіста я быў упэўнены, што гэты дзяжурны маскарад з двума цёткамі ды дзядзькам у судовых расах, пакіне рашэньне суда першай інстанцыі ў сіле - як заўсёды, за рэдкім выключэннем. Так і адбылося.
 
Прычын змяніць рашэнне суддзі суда Маскоўскага раёна Іны Клышпач у апеляцыйнай тройкі не было ніякіх. Травеньскае пасяджэнне з суровым прысудам «пярэваратня» Самарчука было паказальным - туды сагналі ўсіх членаў групоўкі (вядома, акрамя начальства) Маскоўскага РАУС. У тым ліку i тых, хто ламалі Калядзе косці і білі Зехова па галаве.
 
Так, гэтыя міліцыянты-злачынцы таксама сядзелі ў зале суда Маскоўскага раёна, і глядзелі, як іх былога калегу «разматалі» на сур’ёзны тэрмин у 6 гадоў. Праўда, прысутнічалі яны ў статусе «неўстаноўленых асоб» - «пярэваратняў» выратавала адсутнасць відэакамер у апорцы «Усходні», але, мабыць, Алега і яго жонку з дзіцем гэта задавальняе: Алег Самарчук зрабіў свой выбар і вырашыў цянуць тэрмин за ўсіх «невызначаных» прыдуркаў у пагонах якiя збiвалi хлопцаў. Яго права. Мабыць, так усім «танней».
 
Віны Алег Самарчук не прызнаў, больш за тое, па словах Аляксандра Зехава, шматзначна паабяцаў яго мацi, што пяць гадоў пройдуць хутка і ён вернецца. Вось так.
 
Адвакат Самарчука Юлія Леванчук, дачка знакамітай юрыдычнай зоркі беларускага эканамічнага суда Людмілы Леванчук, прад'явіла Ніне Шастак даведку аб тым, што цяжарная жонка Самарчука ў вельмі цяжкім па-жаночаму становішчы і, што трэба адмяніць прысуд Іны Клышпач i адпусцiць Алега Самарчука.
 
Але пракурорша па прозвішчы Жук была непахісная i Ніна Шастак не здрыгануўшыся ніводным мускулам на твары пакінула Алегу Самарчуку ў сіле 6 гадоў ўзмоцненага рэжыму без канфіскацыі маёмасці.
 
Многія людзі кажуць, што калі б не блогеры ды незалежныя СМІ, Самарчук і далей бы ламаў косткі грамадзянам. Магчыма. Але ён цяпер у турме і ў яго ёсць час падумаць і аб сваёй жонцы з дзецьмі, і пра сваіх калег-міліцыянтах, якія разам з ім здзяйснялі гэтае злачынства, але ў адрозненне ад яго, яны зараз дома п'юць піва і абдымаюць сваіх жонак і дзяцей.
 
Ці знойдуць змоўшчыкаў Самарчука, а па словах пацярпелых, іх збівалі каля дзесяці міліцыянтаў, пытанне брэсцкаму следчаму камітэту, які не вызначаецца асаблівай руплівасцю да расследаванняў злачынстваў у якіх замяшаныя злачынцы ў пагонах.
 
Нагадаю гэтак жа, пра справу Андрэя Тарасенка, які памёр праз некалькі дзён пасля наведвання апоркі на Кавалёўцы, а відэазапісы з бара цудоўным чынам «выпарыліся» у руках міліцыянта па прозвішчы Момлик. Следчы камiтэт не знайшоў злачынцаў.
 
PS. Мы ня чулі, каб міліцэйскае кіраўніцтва Алега Самарчука і "невызначаныя" міліцыянты былі прыцягнутыя да адказнасці.
 
Народны рэпарцёр,
Сяргей Пятрухін
 
© 2021 "Берасцейская вясна"